渣馬

2月16日

今年，河爸第一次參加渣馬。

好像兩年前，河爸說：PP去跑渣馬(PP是河爸的朋友)。河媽聽後說：嘩﹗咁勁呀﹗你又去跑呀？河爸搖頭回應：我唔鍾意跑步。

人會變。他今年，做到了﹗

以前無研究過渣馬，只係覺得：我唔會去做的，唔係太關我事。

一直都知道渣馬有不同組別：全馬、半馬、十公里，但其實有幾長，真係唔知喎﹗原來，全馬有42公里，河爸是參加十公里賽，看似輕鬆嘛？

河媽問：咁即係幾多個運動場圈數呀？

河爸計算：約25圈。

一個個圈去計，對河媽而言，淺白點、易明點。明白後，河媽心想：哦﹗十公里，都是馬拉松一般，遙不可及﹗

HAHA.... 這就是河爸比河媽優勝的地方﹗



這一年，河爸的目標的確特別多，又渡海泳、又跑步。難道他想在言大師面前建立一個鐵人爸的形象。GOOD﹗由他做吧﹗這些體能項目，河媽不想接觸。

說實，河爸的付出，又的確有效果的。雖沒說出來，但真的感受到﹗想想，小男孩的偶像是爸爸，多麼溫馨呢﹗

不過，我估河爸所做的，不是為了言大師。大師的仰慕，只是周邊效應。為著自己、定下目標；完成了，是一件多美好的事呢﹗

今年渣馬，人家談著「A餐的肯雅徐」。我不知她好與壞，但看到的是，她為自己定下目標，努力去做。這份毅力，是值得欣賞的。

河爸﹗我都欣賞您﹗(記住啦﹗我讚你呀﹗)