真係咁好呃？

係囉，真係咁好呃？

唉﹗騙子又呃人啦﹗

算點呀﹗日日都係咁﹗



話說，河媽沖涼，唔知沖咗幾耐，突然聽到騙子在大聲報告：媽媽，我做完晒功課、收好書包、仲拉完琴啦﹗我做晒所有嘢啦﹗

吓﹗我真係沖涼沖咗咁耐咩？你可以做咗咁多嘢？

唉﹗平時邀功王，做完一滴工作就馬上邀功啦﹗突然咁內廉？做咗咁大多嘢先領功？

最過份是，那些殺雞琴聲一向震動全屋的，無聲練琴？安裝了滅聲器嗎？



河媽心平氣和，吸一口氣地說：哦﹗你拉完琴。

言：係呀﹗

河媽：哦﹗我聽唔到呀﹗你再拉多次呀﹗

言：好呀﹗



從浴室出來，熱水浴後，血氣暢通，又來個深呼吸：你頭先而已經拉過琴了？

言：係呀﹗

救命﹗



不得不懷疑，他應該每天都呃過媽媽好多次。不是計較他呃什麼、呃了幾多次﹗是誠信問題嘛﹗誠信破壞，很難處理的。

還是為他找藉口。他分不開「吹水」與「講大話」的分別了﹗「吹水」吹大了、吹慣了，不知自己已在「講大話」。

我們常說：爸媽相信你，但你千萬不可講大話。

誠信破壞了，民主亦動搖。我們的「假民主」國度，一向講個「信」字嘛。現在個「信」字的人無放在心，得個「言」字。得把口，無內涵呢﹗



唉﹗一日強制性深呼吸太多，會唔會出事呢？河媽都係時候CHECK下個肺了﹗