一到小息,小朋友都好忙﹗
昨日小息,言言豬又發生了事﹗
唉﹗又是雞毛蒜皮的事﹗
但係,日日都咁多雞毛、咁多蒜皮,好煩啫﹗火火火﹗
火到火火媽要罰言言豬企﹗
(HAHA.... 河媽無俾錢買貼圖,免費的無乜選擇﹗HAHA.... 呢個雞仔都幾好笑呀﹗)
究竟發生咩事呢?
點解要罰企呢?
開估。
係學校唔見咗件JACKET﹗
很小事嘛?
唉﹗
開學兩個月,遺失物品如下:
1. 食物盒
2. 食物袋
3. 冷衫
4. 餐具
5. JACKET
呀﹗救命﹗
上述物品,可分為食物類與衣物類。但其實,它們是外攜物品類,或者白一點,它們是小息物品類。
唉﹗每次事發都在小息。一小息就玩、玩、玩,乜都唔記得﹗
兩件衣物都是在小息時要跑步、脫外衣,跑跑跑,跑完無取回﹗仲要,兩次﹗兩次都唔知自己唔見咗﹗一直都唔知﹗到晚上,河媽想找外套掛起,那頭豬才驚醒﹗
呀﹗一次係咁,第二次又係咁。想點?
點解咁激氣?
話說學校的冬季校服,有運動型的JACKET,另有一套三件的連帽防水加抓毛校褸。其實,學生們多數會著那件JACKET當作外套,但迎生日時,只有夏季校服賣。
開學後,河媽發現清晨時分的涼風、坐校巴的冷氣,言言豬似乎需要一件外套。所以我們等不及十一月中買冬季校服,九月時特意買了一件長袖冷衫給言言豬。
可惜,那短命的長袖冷外套,它等不及十一月中,它已離開我們。
唉﹗真係無事煩,竟要煩買校服﹗雖然家長們都說,校服供應商門市很多人,SIZE又唔齊,最好等十一月中在學校買校服。但十月的早上,真有點冷。最後我們都出太子一轉,用了一小時買校服。很多人,迫呀﹗等呀﹗最後都買唔齊冬季校服,但總叫有外套啦﹗
時也、命也﹗以為死了的長袖冷衫,竟在那個星期六,被河媽在遺失物品堆內找到它﹗
好了﹗讓長袖冷衫洗個白白後,好好掛起它﹗
是JACKET與長袖冷衫在衣櫃相遇嗎?
好不容易在星期六找回長袖冷衫,過兩天的星期一,JACKET又去自尋短見了﹗
它兩是不能共存的嗎?相沖相克?
唉﹗好煩﹗好嬲﹗
結果,就是這樣,有人要罰企囉﹗
沒有留言:
張貼留言