與校長午膳

今天，言言豬跟校長午飯﹗

1B班的六位小朋友，齊齊走去校長室，跟校長一同午飯﹗

現今的校長，猶如魔術師，他們竟然可以令小朋友渴求與校長共進午餐。haha.... 保守的河媽，想不通﹗


怎樣可以達成夢想，跟偶像校長lunch？

簡單。跟預約政府服務一樣，要排期預約。人人都有機會，但要等。

言言豬跟同學仔，上個月預約的。



好﹗訪問下當事人，為何喜歡跟校長lunch呀？

回答：無呀﹗XXX去校務處約，原來得兩個人唔可以約，佢唔夠人，XXX叫我跟YYY一齊，咁是旦啦﹗

哦﹗原來是「是旦」想跟校長LUNCH﹗



再問，咁同校長食飯開心嗎？校長同你哋講咗乜呀？

回答：開心﹗校長無講乜喎﹗我唔記得佢講咗乜。去校長室食飯好開心，可以講嘢，平時係課室唔可以講嘢的。我哋六個1B班講呀﹗講﹗係道講笑話呀﹗HAHAHA....

哦﹗原來同校長食飯開心，是因為在校長室吃飯可以講嘢﹗其實，當時校長係未只係食，尤得那六位小朋友不停講他們的笑話呢？



三問，校長係未同你哋一樣食飯盒？

回答：唔係。校長的好豐富，佢食麥皮，有好多菜。

哦﹗原來真係「隔離飯香」。言先生從來不吃麥皮的﹗他竟然羨慕校長的LUNCH BOX。



最後一問，係未老師提你哋約咗校長食飯的？

回答：唔係。我自己記得。我偷偷好細隻字咁寫咗係手冊，然後擦返，你唔知的。

哦﹗言言豬手冊的日期是自己的。通常河媽叫他數數日期(不上學的日子不用寫)，一次寫一星期。哦﹗哦﹗神童言能在空白的手冊頁上計算日子，再偷偷記下，又再偷偷擦掉。果真神童﹗



言大師上了小學後，吹水能力又高一層。他最利害是在事實上加插幻想，時真時假。究竟上述答案有幾多是事實呢？可能，連校長都無出現過呢？HAHA..... 你估佢唔到﹗