到現在，我都不知道哪間是傳統學校？哪間是活動教學的學校？
坊間xx天書可能會詳列，但你信嗎？hohoho.....
其實，每間小學都話自己活動教學的。如何活動呢？點知喎﹗
今日，河家又來「活動」了﹗
看看物資﹗這「活動」殊不簡單。
我們要利用枱上的物資做一個模型。
唉﹗都係咁啦﹗要用一d無用的嘢，去做模型。唉﹗很大功工程呢﹗
這是那學科的功課？
答案是：數學。
我們要花大片心機去做模型，目的是，數數模型有幾多個錐體、柱體和球體？唔..... 很活動呢﹗
好了，要開工﹗
首先，定主題。做什麼樣的模型呢？單是這點，言言豬都研究了很久。
在這今的教育理論下，言言豬是做得很好的。他主意多多，創意滿腹，入圍的主角包括：壞蛋長門人、turbo、狗及企鵝。
唉﹗現實點﹗諗咁多，咁複雜，點整呀？仲要去海洋公園呀？返嚟咁夜，又累，點整呀？
河媽就是扼殺言言豬創意的殺手。唉﹗好想同佢講，是旦啦﹗
當然，這些樣話又要忍住，仲要扮慈譪咁話：我們有兩個方法去做﹗
1. 先定好主題，然後搜集相關物資。
2. 按現有的物資去製作。
最後，言言豬選擇了狗。
定好方案，便要想想如何製作？
我們將哪些筒，砌呀﹗砌﹗
河媽又出手，說：唔係好似狗喎﹗不如做馬呀﹗
言言豬串串咀：吓﹗咁不如兩個貼起來，做個「斧頭」算﹗
haha.... 都好喎﹗快﹗靚﹗正﹗
真的決定了﹗做馬仔﹗
好﹗收好物資，去海洋公園。星期一再做。
唉﹗真係等佢做？仲要星期一做喎？夠時間？
唯有學坊間的創意畫室，做好一份完成大半的材料，等主子回家剪剪貼貼﹗
於是，星期一的早上，河媽便為小馬上色、cut好備用物品。
言言豬放學回家，雖然不是太多功課，但那位慢功出細「課」的言先生，做一張要繪圖的工作紙，做了一粒鐘有多。
除了自己的公仔外，仲要畫同學仔的fox、Barbie，總之，畫咗好耐。
所以，小馬，是晚飯後製作的。
我們的小馬，言言豬為它命名為「精靈小馬」。
美嗎？OK的。但河媽總認為，功課應是小朋友自己做的。今次，河媽幫太多了﹗
言言豬參加的工作：
1. 配對合適的盒作小馬身體各部份。
2. 穿了約5-6條橡根。
3. 設計小馬的尾巴。
4. 畫、貼馬蹄。
5. 畫、貼眼睛，畫咀巴。
無論如何，總叫完成功課。
跟言言豬一起製作的一小時，我們是快樂的。言言豬勇於嘗試去穿橡根，並耐心去做，很好呀﹗
在貼馬頭時，出了一點意外，馬頭太重，捯了下來。於是，河媽再勁加白膠漿，等明早乾。言言豬很擔心馬頸再斷，竟然許願希望「馬頸唔好再斷」。HAHA..... 好可愛呢﹗
今早，馬頸安然。
河媽將精靈小馬放進袋，叫言言豬小心拿回校。
誰知﹗一落樓下，很大風。
小馬脫腳了﹗
言言豬就帶著他的三腳精靈小馬，連同一隻脫腳，滿懷心事地回校﹗
沒有留言:
張貼留言