買大小

話說上星期言言豬參加學校樂器訓練甄選，老師一句：「你咁大隻，你適合大提琴多d，同媽媽講，你適合大提琴﹗」事後，言言豬曾一度鬱鬱不歡。河爸河媽曾先後開解﹗

這幾天，河媽都有為此事想過。聽說學大、小提琴，花費很大的。小朋友隨年齡(應該是身高嘛﹗)要轉琴。考試時，又要另聘鋼琴伴奏。好貴﹗但心想，若他用心學、喜歡，花費雖大，都是值得的﹗





某天與河爸談起，他竟然說..... 他曾在學校學過一年大提琴，但好悶無再學，所以他認為大提琴真的很悶﹗

呀﹗咁點呀？河媽從來不知河爸學過大提琴喎﹗呀﹗早又唔講﹗現在洗濕了頭﹗點呀？



某天，在facebook上，朋友post上亞囝拉大提琴的片段﹗他是一個中學生，已是演奏級了﹗片段大約兩分鐘，但河媽聽了一分鐘便有點支持不了﹗

呀﹗人家演奏級我都頂不順，一分鐘都支持不了﹗若是，言言豬？我還口口聲聲要他每天十五分鐘﹗呀﹗死得﹗

又想.... 落大雨時，帶個大牛龜大提琴出街，咁點呀﹗

想想吓﹗覺得自己好似早幾天捨棄佛教改信基督但唔知喇沙是天主教學校那亞媽一樣，無知﹗hohoho.... 就係「型」就去學大提琴﹗

唔.... 無計可施﹗隨遇而安吧﹗

究竟，言言豬的「買大小」，結果如何呢？

當我們買「小」時，那句：「同媽媽講，你適合大提琴﹗」，令開「大」的賠率上升。結果賭仔轉買「大」。但原來，真係十賭九騙。

結果是：小提琴﹗

當大家以為言言豬很滿意結果時。非也﹗他只拋下句：「吓﹗咁果日就唔好咁講啦﹗」

可能言言豬被游說專家打動，已覺得大提琴是最美好的﹗



OK﹗上天安排了﹗

學校的樂器訓練班要學一年的，就讓他向小提琴出發吧﹗