究竟有幾多人喜歡HELLO MIMI呢？

8月9日

那天，正是女王生日，在尖咀等食飯時，入了佐單佬LOOK LOOK﹗

對﹗我們正是為了那K CLUB入去的﹗

河媽不愛MIMI，河馬王更「驚」那些女人嘢﹗

咁究竟為乜呢？

答案：靠邊站的布丁狗。

一入去，SALES哥哥就講普普語了﹗唉﹗沒有廣東話人買東西了﹗

河媽不懂普普語，唔理佢講乜，都係講返自己果句，問：童裝係邊？

SALES哥哥定一定，轉台：樓上。

河媽懶，唔想行，再問：有無布甸狗的？

SALES哥哥：無呀﹗全部HELLO KITTY的﹗

然後SLAES哥哥望著河馬王：細佬，你忘記佢啦﹗

HAHAHA......



其實，香港真係好多女性心愛MIMI，由BB女至60+ + + + + +都有﹗

但我見到，這個MIMI系列，有男裝的，是成人的男裝﹗

HAHA..... 我很保守，我接受不了一位成年男士著HELLO MIMI服裝囉﹗HAHAHA.....

河媽心想，究竟MIMI男裝邊個買呢？

即時想到，一定係心愛MIMI女，迫男方著﹗HAHA.....

河媽又再想，這樣一個著MIMI的男，無論那女的如何愛MIMI，都支持不住嘛﹗究竟她是愛MIMI多？還是玩那個男的多呢？



倘若你就是那位著MIMI的男，或是心愛MIMI的女，都請不要告訴我﹗我不想知，亦不想你留言罵我﹗HEHE......

河馬王

當年，很喜歡為言言豬亂改名、亂叫他﹗

但河馬王這名字，是有根據的﹗

某天，我們在家看寵物小精靈，那集小志遇上「河馬王」。

看﹗圖鑑有記載呀﹗

HAHA.... 不是亂吹的。

河馬王是由小呆獸進化而成的。

注意：

河馬王的特性是遲鈍、我行我素。

河馬王是擁有高度智能和反應能力，是非常聰明的寵物小精靈。

我有交管理費﹗

剛才，在club house交跆拳學費。

交交下，有位亞婆插咀跟職員說：嘩﹗做乜而家呢道可以咁嘈。有時嘈少少就話，而家又唔話。

職員客氣地回應：頭先有小朋友嘈咗少少。

亞婆繼續咬住唔放：頭先？而家呢？

接著，有位大嬸加入：你睇報紙都唔想人哋嘈你啦﹗咁嘈，而家cheap鬼晒﹗我有交管理費嫁﹗

(老實，我唔覺嘈囉﹗最嘈佢兩個﹗)



亞婆嘈完兩句走咗。但那大嬸，她的加入，原來唔係撘傘，她是主帥﹗

大嬸開波：我頭先噤鐘，你哋聽唔到咩？坐係到要一眼關七啦﹗

兩位職員：......

大嬸：唔好意思識唔識講呀﹗咁都唔識，咁都要教呀﹗

(其實，入club house，要用住戶証嘟的。我唔知佢噤鐘做乜呢？我係職員，都唔會放隻狗入嚟咬人啦﹗會有人投訴嘛﹗係﹗職員最衰就係無一眼關七，唔係？見到佢仲唔落閘咩﹗)



好了﹗入正題。究竟大嬸入club house做乜呢？

原來，佢入去club house要話俾職員知，出面玻璃回收筒個蓋打開了，叫club house蓋返好喎﹗

車﹗

(離開club house時，我特意看看那個玻璃回收筒。其實，蓋打開了，都沒什麼大不了﹗我估她是氣頂職員聽唔到佢噤鐘。接著，我發現大嬸在我前面，她竟然跟我一樣，準備經過大堂，離開屋苑。呀﹗原來她是很有心地繞路去club house罵人的。她既要離開屋苑，何不直接跟大堂食蕉講呢﹗)



唉﹗我都有交管理費呀﹗見到d人無理取鬧，cheap晒呀﹗我都唔想交管理費了﹗

唉﹗其實，我一直都唔知，交咗管理費原來就可以四圍鬧人。這可能是賦予的權利﹗但這個特權，我又真係無興趣喎﹗本人雖則喜歡鬧人，但比較喜歡閉門鬧嘛。

如果，可以將四圍鬧人的特權換作放單車係門口，這樣，實在太好了﹗

唔知，我這個要求，可唔可以同club house職員講呢？

但係，我無那位大嬸的氣勢，職員會唔會唔理我呢？

唉﹗點解，她跟我一樣有交管理費，但待遇不一喎﹗

原來，世界就是這樣，不公平﹗

2014星馬之旅

早在復活節，河馬王已想去legoland。奈何，未能成行。

河爸當時已答應，暑假帶他往legoland。樂透﹗



這個行程，河爸河媽無所預備，只是準時出現便可。

因為河婆吹雞，叫大家暑假一齊去旅行喎﹗所以，旅行所有事，都是popo大人安排的﹗

可惜，正表哥一家有事忙，所以河家三口，跟河公、河婆、maymay、popo，一行七人，跟團遊星馬﹗



河媽是家中最細的，做了亞媽，還可跟爸媽旅行，haha..... 嘆﹗

嘆是，一切，細心的popo都安排好。跟家中長老出門，有時會煩的。hoho..... 但今次，maymay popo貼身照顧長老們，河媽就只負責看管河馬﹗嘆﹗



五日四夜，去了兩個樂園。最開心的，當然是最細的一位﹗

Legoland，好玩呢﹗沒想到，真係幾好玩﹗

最重要是，無人，不用排隊﹗

聞說，因為馬拉人齋期，無力玩，好少人呢﹗

如是者，有機會去馬拉Legoland，都要看準他們齋期呀﹗

其實，Legoland，而家已經想再去﹗



Universal，唔.... 我反而覺得一般。

可能部份遊戲都幾激，唔適合年紀大的河媽了﹗暈﹗

老老實實，玩完transformer，我都暈﹗

河馬王？haha....佢都唔激得的﹗

係環球，最開心見到minions囉﹗

不過，原來無game，得shop咋﹗

係﹗我哋都行得好happy﹗

跟團，當然是買嘢﹗

馬來西亞，河婆買了不少土產。

但河媽？榴槤唔啱，肉骨茶又唔想整。

都係在星加坡買現貨、即食的﹗



haha..... 食完亞坤多士，我們即買﹗

回港後，試了幾次﹗好味﹗

看出這是什麼？

是美綠粉﹗

haha.... 好好味的﹗

飲soya milk加一大匙、食雪糕又兩大匙﹗爽﹗



還有，河媽已加入補藥黨行列。

haha..... 買藥油呀﹗

這款，油如其名，不用介紹了﹗

另一款，回春膏。

haha.... 聽名，以為它是化妝品呢﹗黑人頭，用完白白滑滑回春？haha...

導遊介紹：可以醫濕疹喎﹗

濕疹，有﹗

本來都無大興趣，但河婆掃貨嘛﹗橫樹都要等﹗走去818呢﹗

818就入咗上述兩款貨﹗

試用後，

頸肩鬆，都ok的﹗不過，其實又同用按摩膏咁上下﹗

至於那款回春膏，真真要講解一下﹗



話說，不知何解遊玩五天回港後，濕疹爆﹗

勁痕﹗

於是，河媽拿出寶物回春膏一試﹗

嘩﹗嘩﹗嘩﹗勁﹗



勁臭呀﹗

那刻，記起導遊的說話：要俾d耐性，去試﹗回春膏是好好的，無類固醇。

唉﹗突然好聽話，忍著臭，用了兩天。



兩天，就是我的耐性﹗

hahah..... 真係好臭，用於手部後，常聞到好臭。加上，仍是好痕。

結果，就是類固醇啦﹗