12月6日
言大師這所小學，一、二年級沒有考試的。
爽﹗真的很爽﹗看見人家請假加鞭。不是說風涼話，只能說：爽﹗
雖然沒有考試，但學校都有評估的。何時評估呢？小學班主任沒有像幼稚園班主任般叮囑家長溫習，但每日都聽見言大師說評估了﹗
哦﹗評估了，就由得它評完嘛﹗
前天，言大師說老師說第一學期最後一天會知哪些同學得獎。
呀﹗就是全級頭幾名，每科頭幾名的獎﹗
河媽問：你估，你有無獎？
言大師：可能中文科、或者常識科。
跟河媽想法一致，有可能的，尤其中文科，言大師現在可以自己看拼音讀了，勁﹗他的普通話水平已遠超河媽了﹗
今天放學，言大師落校巴第一句：媽媽，我留咗功課套係課室呀﹗
吓﹗即係全部功課都無﹗唉﹗算吧﹗河媽冷笑：咁你星期一注定去205室 (罰學生沒有小息的課室)。
hahaha..... 那頭豬還說：唔會，星期六返課室取回就可以﹗(唉﹗星期六返學校課外活動嘛﹗咁都俾佢過到﹗)
之後，言言豬跟河媽說了一些，很心動的說話。
言大師：媽媽，今日學校頒獎呀﹗我有四個獎。
河媽：嘩﹗咁勁﹗乜獎呀？
言大師：體操獎、閱讀獎，仲有唔知乜獎？有三張書劵，每張$50。
河媽：嘩﹗咁勁呀﹗
河媽心想：你學校的小朋友體能都好一般喎？言大師如此水平的體能，都可以有體操獎？
沿路，言大師就如喜雀一樣，吱吱喳喳，好high﹗
講講下，言大師又話得獎同學跟校長、副校長影相。
吓﹗又影？又無熨衫喎﹗梅菜衫咁影？
講講下，河媽覺得有些不對路，問：好多小朋友都有獎呀？
言大師：唔係，十幾個啦﹗
河媽：哦﹗大約一半啦﹗
言大師：唔係，好少人可以上台咋﹗
上台？
大驚喜﹗
原來言大師得到操行獎﹗hahaha..... 言大師根本不知道「操行」點解？所以記得少少，自己作個「體操」獎﹗
仲有英文科獎？爆大冷呀﹗大師成日話唔知Mr. Richard (NET TEACHER) 講乜，返嚟做功課又唔識﹗全班第一，真真好驚訝﹗
還有那個學業卓越獎，言大師說全「班」頭十名，但又話1B班得佢一個有﹗
大師的話，好玄﹗
還有，他的三張$50書劵，原來是$500﹗
上學校網頁調查後，知道學業卓越獎是全級頭十名。言大師說，全級頭三名有讀名的，但無佢份。
言大師補充：1B得我一個有卓越獎咋。咁我即係1B第一名。
HAHA.... 平時成日發夢，突然又心水咁清，知道自己全班第一。其實，河媽想話：1B水皮囉﹗
河媽真係好開心、好開心、好開心﹗河媽都未曾得過獎，想不到，言大師咁叻﹗
以前幼稚園，是一間人人有獎的學校；想不到，言大師上小學可以拿咁多獎。
很感動﹗
傻傻的河媽在想，希望他繼續做好。真的﹗這只是小小的起步，還有漫漫長路﹗
恕河媽在此勁晒﹗因為，我真係好開心﹗
只此一次，辛苦大家了﹗
可能這是言大師學業上最偉大的功績，就俾我威一次啦﹗
他日，有幸再獲獎，我們都會低調、低調了﹗
今次高調，因為太開心了﹗
沒有留言:
張貼留言