班長的管治危機

上回講到：星期一，班主任陳老師告誡言班長要專心。

言班長好像受屈一般，似層層的說出一段故事。看來，老師誤會了他？




星期二放學，善良的河媽問大師：今日老師有無提示你呀？

言大師：無，陳老師無講。但王老師(另一班主任)今日提我要留心上課。

河媽：哦﹗你無留心咩？

言大師：我有留心呀。我都唔知王老師點解咁講。

河媽：老師咁講當然有原因啦﹗你當時做緊乜呀？

言大師：無呀﹗無做乜呀﹗我都唔知王老師點解咁講。



言大師有時真係覺得佢亞媽係白痴的。無做乜？上堂無做嘢？咁係未發夢呀？定有嘢唔講呀？

兩位班主任先後提示喎﹗邊有咁大誤會呀？六月飛霜咩？

幼稚園階段的言言豬，好緊謹的，一見勢色不對，便會馬上變乖，而其他傻傻的同學仔還在發癲。結果，老師就忙於向癲人發炮，言言豬多數幸免於難﹗

小學雞言大師，由於校風開放，重鼓勵、少懲罰。言大師果然open了﹗簡單一句，「蟻」咗好多﹗以前，媽媽叫停就停，而家？變了﹗

言大師的小學，同學仔是滿有自信的，但個個不停口，小朋友講呀講，好快就好開心咁發癲﹗好嘈﹗好煩﹗

開放的社會，要自律，是考驗﹗



言班長的任期有多久，那看他造化了﹗

河媽沒什麼可做，也做不到什麼？

只是，今早，河媽為言班長掛上班長章時說：唔.... 你好好珍惜了，扣這個星期後，就無得再扣了﹗

言班長回贈一條線眼和衰笑。

這是我們的溝通方式，言大師明白的。