小風波 - 上回

昨天，當言言豬正要拿鉛筆做功課時，他告訴河媽，他的鉛筆全部不見了﹗

唉﹗怎可能呀？

但是，世上沒有不可能的﹗



言言豬說是XX偷了他的筆。

偷？很大的罪名呀﹗不可亂說﹗

其實，言言豬不是第一次說XX偷他的文具。之前，言言豬說過他偷萬字夾和鉛筆。

於是，河媽對言言豬說：不可胡亂說人家偷的，你又沒有看見，又沒有証據，不可這樣說。

但言言豬說：每次我唔見咗的筆，佢隔一陣就會用。

由於言言豬用的是人家送的TVbuddy的三角筆，相信一般文具舖未必買到，所以撞筆的情況未必咁易。但世界無奇不有嘛？或者人家又係tvb做呢？

河媽記得，本來筆沒貼名的，但上次唔見過，所以再新開的兩支TVbuddy，有貼名的。於是，河媽問言言豬，你看到XX用的筆有貼你的名嗎？

言言豬說：無。但我見到佢書包附近，有我個名的貼紙﹗佢又次次都唔同我一齊出課室，我都睇唔到佢﹗

言言豬為此事不悅。

但他的說話，河媽又覺得好笑﹗

金句一：唉﹗點解係學校有呢D咁唔開心的事呀？

金句二：我都要錢買D筆呀﹗偷晒又要買呀？



河媽見他心煩，建議他明天跟老師講，但不要說人家偷，只說自己唔見咗筆，但見XX用一樣款的。

之後，言言豬說不想告他，因為XX已經成日俾人告。

噢﹗原來XX是活躍份子，他上回次是用較剪，剪咗某某同學少少頭髮。勁﹗

河媽欣賞言言豬夠「雷氣」。但表面看來，XX好有機會真係偷嘢喎﹗仲要偷完一次又一次，今次仲三支偷晒，連其中一支中華牌都唔放過﹗

想過，問一問XX媽媽，或EMAIL老師。

最後，經高人指點後，簡單些，打電話給老師。



長話短說，老師說明天會查一查XX的書包。不過，老師請河媽與言言豬都不要太著重點罰XX。

哦﹗咁快講罰，難道老師都覺得XX好大機會？

河媽最後亦請老師跟言言豬說幾句，他的確為「告」、「唔告」而煩惱﹗這是很深層次的道德問題呀﹗

今天，老師致電。(欲知後事如何，請看下回分解。)