可愛男孩

河馬王，真是一個好可愛的男生。

昨天，他突然回到一年前。

從那首「世上只有」開始......



一年前，幼稚園畢業禮上，「世上只有」是他們的畢業主題曲。

K3時，應該日日返學都有唱。

那天，畢業禮後，班主任老師對河媽說：你個囝，真係最乖﹗佢頭先唱完，係後台喊呀﹗

好感動﹗六歲小男孩，在畢業禮上哭了﹗

感性，他就是這樣的﹗



一年後，河馬王想起當天，全因「世上只有」的樂曲......



昨晚，河馬王告訴河媽，他在學校哭﹗

河馬王在家會偷偷哭，但他很少在人前哭的﹗

他說，中文科時，老師播了「世上只有」，他一聽見音樂就想哭。接著，哭得很厲害。

呀﹗我這孩子真是可愛到極點﹗



河馬王由中文科的尾段，哭到班主任課。

男班主任王老師見狀，帶他到課室外談談心。

haha..... 我家大少，哭時真是「乜都唔講」﹗相信，王老師都花了不少時間。

幻想當時情況都應該幾好笑﹗平時好「英」的河馬王，無啦啦坐在不停哭。老師可能以為他有莫大冤情﹗

最後，河馬王說出：中文科播的歌，係我幼稚園畢業唱的﹗嗚......



很感動嘛﹗

對﹗這是他真實的、感性的一面﹗

但他還有很多面。

接著，他說王老師跟陳老師「扮嘢」(王、陳都是班主任)。

他說：班主任課時，王老師問完我，佢就話自己細個時都會咁。之後，排校巴隊時，陳老師又問我，又話佢自己細個時又係咁喎﹗

河馬王不肖地：點會咁啱呀﹗佢哋一定「扮嘢」啦﹗

haha.... 忍不住笑了﹗

這就是他真實的、成熟的一面﹗

河媽安慰他：就算王老師、陳老師「扮嘢」，佢哋都係為你好﹗錫你啫﹗

河馬王停了，他是明白的。因為，他真的很成熟﹗



河馬王，還有斤斤計較、記仇的一面。

河馬王又問：點解我成日一個人呀？全間學校，無人同我一間幼稚園的﹗

河媽：下﹗一年前同你講咗啦﹗你話ok的﹗你話幼稚園同學仔可以再見，小學又識到新同學。你而家一年後嚟問？你而家係小學都有好多朋友啦﹗



hehe.... 他就是這樣可愛﹗