定位

自少河馬王就很清楚自己的強、弱。

靠把口的，滿信心。動手動腳、求速度的，未開始已打定輸數﹗



能夠面對自己弱點，勇於挑戰，才是真正的強者。

不過，這目標太太太弘大了﹗



昨天，從一事看到河馬王敏銳。

上星期，河馬王參加英文獨誦選拔。

haha.... 對﹗又是選拔。

看來像很嚴謹的事，但其實很簡單、隨便的。

河媽希望河馬王多嘗試，上年已叫他參加校際朗誦，但他上年只參加普通話，拒絕參加英文，所以，今年他要找數﹗

難得學校選英文獨誦陪訓，既然都要參賽，有機會免費training喎﹗試試吧﹗

那天，完成選拔後，河馬王告之，老師說他very good﹗

河媽讚他不錯呀﹗但他又說，very good唔入的，要excellent先入﹗

哦﹗係呀﹗？

昨天得悉結果。

呀﹗河馬王真的料事如神喎﹗唔入﹗

他清楚自己的定位。

他了解鬼婆的style，係唔係都讚，good、very good好普通啦﹗excellent先係堅﹗haha.....

新玩意

這是河媽九月份的新玩意﹗

可能，到出年都未完成﹗

更大可能，半途而廢﹗

為何突然咁有情趣？

hahaa.... 全因便利﹗

hohoho..... 有大師傅主動教我呢﹗

hehe.....﹗成功先再講﹗

小二仔開學了﹗

小二了﹗

小一同學仔真升，多了一個插班生。

班主任，仍是雙班主任，一個是小一的班主任，另一個是新班主任。

好像什麼都沒有變﹗

haha.... 小一時，樣樣新。

今年？校服、書包、文具，樣樣都仲用得﹗

咁就一年了﹗小二仔，加油﹗

第一次搏擊比賽

8月24日

河馬王第一次參加搏擊比賽。

真的有一點點緊張。

河馬王一向是慢吞吞人，這類人快不了，如何身手敏捷地搏擊呢？

搏擊，即對打。慢，打不到人，就會被打。河馬王是「打得少」人，連環被打，頂得住無？

不過，亞sir睇住，我諗ok的﹗

最緊要，河馬王想參加嘛﹗我們一定支持的﹗

河馬王是藍帶，未有頭盔，這是問師兄借來比賽的。

好型﹗好可愛﹗

來到比賽場地。嘩﹗真是高手雲集呀﹗

而家的小朋友，真係好勁﹗好叻﹗

有好多個細細粒、好細個的妹妹、弟弟，嘩﹗已經係兒童黑帶了﹗

所以話呢﹗參加呢d比賽，係俾河馬王見下世面，亦同時俾河爸河媽見識下﹗



搏擊以體重、身高分組的。河馬王多年來心廣體胖，幸好都有長高，好聽一點都可以叫大隻的﹗相信，河馬王的對手，應該會比他年長﹗



未到河馬王比賽時，我們就在場地看別人比賽。

真是大開眼界。

看呀﹗看呀﹗好像發現一個定律，惡的教練才教到狠的小朋友。那些小朋友真的打得很勁﹗但..... 河媽接受不到教練打小朋友個頭囉﹗

看看我家的豬豬，他的教練總是笑到眯眼地摸摸他的頭。haha..... 我們的教練是很勁的，曾是港隊呀﹗他是一個和藹的年輕人。河媽心想，豬豬遇上這教練就是最好的﹗

亞Q精神又來了﹗嘩﹗那些小朋友好像真的太狠了﹗明白，他們要心紅，才能勝出，比賽場上一定要狠。但衰衰的河媽心想，他們應該平時都勁狠的；不然一頭綿羊，不可能一上場就變豺狼嘛﹗再想，若然，河馬王一日到黑都咁狠，河媽又接受不了嘛﹗

hahaha..... 想多了﹗



好﹗入正題，比賽了﹗

終於見到河馬王的對手了﹗

haha.... 一看牌面，一個字：「輸」﹗

hahaha.... 不是看少河馬王，但人家是紅間黑呀﹗

數一數給大家知道。河馬王是藍  =>  藍紅  =>  紅  =>  紅間黑

藍帶羸紅間黑？我諗，唔會囉﹗



結果，正常賽果，紅間黑大勝。河馬王一分都攞唔到﹗

但係，河爸河媽無失望呀﹗河馬王表現好好，好叻仔﹗遇到強手都好勇呀﹗

hehe.... 自己讚自己「輸人唔輸陣」呀﹗hahaha....



河馬王打完之後，有少少想喊。

因為，大腿被對手踢了幾嘢，好痛﹗

痛﹗應該真係好痛，但叻仔，頂得住﹗

第一次搏擊除了痛外，還有一個銀牌﹗

hehehe..... 河馬王因為抽到好籤。他的組別共三人，出線制，河馬王抽到決賽席位，一早就坐亞望冠了﹗

問河馬王下次再參加嗎？他堅決地：參加。

haha.... 「打得少」人喜歡被打，尤得他﹗

題外話，當日，河爸河媽除見識到惡教練外，還遇到爆粗太太。

唉﹗真係頂唔順﹗

那場，黑紅(兒童黑帶)對紅間黑。

爆粗太太的兒子是黑紅帶，羸面大一點，但他正落後。此時，爆粗太太發功，不斷「xxyzz，衰仔，無xxyyzz用﹗踢頭啦﹗無時間啦﹗xxyyzz.....」

救命呀﹗比賽啫﹗唔駛咁罵個仔呀﹗

結果，佢個仔輸咗﹗佢個仔行返佢身邊時，爆粗太太驚亞仔剛才miss咗她的xyz口號，又對住仔大罵：「xxxyyyzzz衰仔.....xxyyzz」。

唉﹗輸咗啫，有幾無用呀？無用得個亞媽咁失禮﹗

唉﹗

普通話才藝校隊

這個故事比較長.....

話說，小一學期尾，老師推薦河馬王參加普通話才藝校隊選拔。

時宜古惑、時宜老實的怪豬王，古惑地在完成整個選拔後才告知河媽。但他又很老實，很老實地告之河媽：我尊登讀差d，等老師唔好揀我﹗

真係火火地，但又好好笑，河媽都估到佢遲早出呢招﹗



其實，普通話才藝校隊即係當日訓練小司儀果班。

點解唔想參加，要出招呢？

明明，做小司儀，好威，老師、家長讚，同學仔羨慕。

hahahaha..... 還回基本步，河馬王話做小司儀成日都無小息，老師成日約佢小息練，唔想﹗

說到尾，玩好過威﹗

當日，河媽當然執佢啦﹗做事要盡全力，唔可以咁﹗.......(下刪幾千字.....)



之後，河媽就煩了﹗煩若真的選中了，是否給河馬王選擇。

河家一向都扮民主的，在我們接受到的情況下，河馬王可以揀﹗

但今次，河媽不是完全接受呀﹗

河媽不是捨不得那被選中的機會，而是，只是七歲，事事由他選擇，是不是太早呢？放了難收呀﹗

河爸的回應，好好笑，但中呀﹗河爸：咁.... 參加普通話適合佢呀﹗唔通合唱團？佢把聲，side時間啦﹗HAHAHAHA....老師真係揀佢入合唱團？

haha.... 中呀﹗呢d就係想與能力的分別嘛﹗勤力，可以將能力提升，但某些興趣，都是要看看天份的﹗



之後，河媽請教高人，放毒針，軟硬兼施...... 「才藝隊不同小司儀呀﹗不用小息練的。」「老師欣賞你，你做得好才揀你呀﹗」「你放棄了，老師會認為你不想參加，以後都唔揀你呀﹗」

唉﹗不為所動﹗堅持，若選中，都不參加﹗



當時，還未到小司儀正式演出日。河爸河媽心想，待他演出完，老師總會讚賞他們的，到時應該會改變的。

好了﹗完成表演了﹗一如所料，老師有讚、河爸河媽勁讚，連不認識的簡介會家長都讚﹗

結果？堅持﹗不想參加﹗



唉﹗河媽是一個容易放棄的人，心想：勉強無幸福。總叫做過小司儀，上過台。既然再不願付出時間、努力，就止步於此啦。或許，試試其他興趣吧﹗



暑期二個月，大家都把此事忘記了﹗



昨天，派課外活動通告。

河馬王問：普通話才藝隊，我有無呀？

河媽：下﹗我點知呀﹗應該無啦﹗有就俾咗通告你啦﹗

那刻，不是特意「大」佢的，只是實話實說。

唉﹗人總是要失去才珍惜。

突然，河馬王又話想參加普通話喎﹗

吓﹗無辦法了。有機會不珍惜，若當日努力去做，可能得呢﹗得咗，今日就有得揀啦﹗

河馬王即時有點失落﹗

河媽問他有沒有後悔？他說沒有，但有點不知怎樣的感覺﹗

hehe..... 總算老實﹗



之後，河媽問其他家長，上學年選拔的結果公佈了沒有？

原來，結果在Eclass﹗

結果？

學校鼓勵小朋友多嘗試，很少拒絕的﹗

入了﹗



失而復得後，河馬王很開心﹗

唉﹗麻煩﹗他是一頭麻煩得很的豬﹗