河馬王擔任星期天的小司儀，上、下午各一場，即做足一天﹗
河馬王930就要返到學校，河爸河媽被安排看第二場，要等到三點。
其實，由知道河馬王擔任小司儀開始，河媽都一直好開心﹗
真係，真係好開心﹗
以下就是當日四位小司儀。由右起：小六、小二、小二、小一河馬王。
小一仔河馬王高過兩位小二姐姐呢﹗
我們被安排在閣樓欣賞(即學校禮堂上層)。
看﹗這兩位，笑到﹗真係心情大靚。
就算唔打膠布格仔，我倆都是見牙唔見眼的﹗
見我倆咁開心，一定好欣賞呢﹗
其實，好悶的﹗
小司儀，任務是間場。嘩﹗簡介會全長：一小時三十分，睇亞囝出場，我諗都無五分鐘﹗
明﹗簡介會嘛﹗校長、主任講、講、講，才是主旨。
無問題，我們心中，早已認定河馬王是主角﹗
表現如何？
亞爸亞媽，一定話好啦﹗haha......
在禮堂門口接囝時，有位聽眾爸，捉著河馬王不斷讚、不斷問。
明白他的心情，向學生打聽下嘛﹗
但那時，由早做到晚，河馬王已變成呆呆獸了，他只應酬了聽眾爸幾句。
之後，河馬王見到幾位老師都無乜反應，太累﹗
叻仔﹗叻仔﹗叻仔﹗河馬王今日真係好叻仔﹗
原來做小司儀最叻是學會等﹗
我坐著聽一場，都呆爆﹗他，等了二場，等的時候，又要準備接場﹗好勁呀﹗
這方面的能力，河馬王已勝過媽媽了﹗河媽一次司儀都未做過呢﹗
一早答應，完成任務後跟河馬王吃大餐﹗
看﹗有得食，笑容都返來﹗
講到食，又一笑話﹗
河馬王投訴中午膳食不佳﹗
haha.... 他向爸媽投訴，老師要他跟小六哥哥分享一個炒飯、一份三文治﹗
明白﹗他平時是光碟專員(學校的尊貴稱號，吃清飯盒不浪費)，現在得半個飯、半份三文治？hahaha.... 河馬王說「很肚餓」﹗
之前說過，做完小司儀請他吃大餐，沒打算還有﹗
但今天，太太太高興了﹗
我倆加送神秘禮物﹗
勁﹗勁﹗勁﹗
好大份呢﹗
好豪呢﹗
看清﹗彈珠場地，過氣了﹗半價﹗
haha.... 難得河馬王要喎﹗可能佢無想過爸媽會買玩具給他呢﹗
半價，都要百多元呀﹗
就今天，大家開心吓啦﹗
禮物都收了﹗
完美的一天﹗
但，故事還未完結。
回家地鐵中，河爸讓坐給一位抱著女兒的爸爸。
該爸爸坐下，陰陰咀笑，然後問河馬王：你係未小司儀呀？
hahaha..... 笑了﹗
想不到覆蓋率真係咁大呀﹗他是上午場的聽眾呀﹗
真係多得這位爸爸，他不斷讚河馬王，又告訴近門口位置的太太。真係好多謝這兩位「妹」呀﹗他倆的讚美，令河馬王好開心﹗好開心﹗
